كيف تضبطين الآيلاينر باحتراف

الأيلاينر

مرحبا بنات 🙂

يعتبر الكحل السائل أو “الآيلاينر” من أبرز الأساسيات في المكياج ولا غنى عنه خاصة في فترة المساء والسهرات لأنه يضيف جمال ورونق مميز للعين, لكن كثير من البنات يعانون من كيفية رسم العين بطريقة مثالية واحترافية عشان كذا أقدم لك هذه الخطوات التفصيلية لتحديد العين ..

***

أولاً خلينا نتكلم عن أنواع العيون والطرق المناسبة لإظهار جمالها:

الأيلاينر

* العين الضيقة أو الصغيرة: لا تكحلين داخل العين عشان ما تصغرينها أكثر، لكن ارسمي خط رفيع أعلى الرمش فقط مع تمديده إلى الخارج في المناسبات، ليُعطي الشكل المسحوب للعين, وإذا بغيتي تحددين عينك من داخل استخدمي كحل لحمي أو أي لون فاتح.

***

الأيلاينر

* العيون المتباعدة:  عشان تعطينها إيحاء بأنها أقرب خلي رسمة العين تبدأ من أقصى زاوية العين الداخلية.

***

الأيلاينر

* العيون المتقاربة: وضع الهايلات الفاتح في زواية العين بتعطيك مدى أكبر, ولا ترسمين الآيلاينر من بداية العين, خليها ابعد شوي مع سحبها للخارج.

***

الأيلاينر

* العين الواسعة أو الجاحظة: حطي طبقة عريضة من الكحل حول العين لتعطي مظهر ضيق شوي.

***

الأيلاينر

* العين اللوزية: هذا الشكل يمشي عليه كل الستايلات.. لك كامل الحرية باختيار رسمة الآيلاينر.

***

الأيلاينر

*العيون العميقة: أهم شيء تعملين حسابه هو يفضل لو تخلين الشدو فاتح, وتبدئين رسمة العين بخط نحيف بعدين تعرضينه وتمدينه شوي.

***

الأيلاينر

* العيون ذات الجفون المغطاة: من زاوية العين الداخلية ارسمي خط رقيق على منابت الرموش العليا كاملة, واعملي المثل على منابت الرموش السفلية لكن هالمرة تبدئين من خارج العين للداخل, بس أهم شيء يكون الآيلانر أقرب لرموشك قدر المستطاع, تقدرين تكحلين عينك من داخل بالأسود.

***

الأيلاينر

* العيون الآسيوية: ارسمي العين بشكل عريض ومديه للخارج, كحلي العين سواء من الداخل أو الخارج بألوان فاتحة, ولا تنسين الهايلايت في زاوية العين الداخلية.

***

الأيلاينر

* العيون الدائرية:  دائماً احرصي أن يكون خط الكحل عريض ومتساوي وممتد للخارج, لك الخيار بالكحل الداخلي.

***

أنواع الآيلاينر

الآيلاينر السائل:

الأيلاينر

من الماركات الكويسة للآيلاينر السائل.. ذا بالم, لوريال, لانكوم,نكس.

أنصحكم باللي موجودة بالصور… “شوينغ” من ذابالم, والآيلانر “كيرف” أي المعقوفة من نكس, على فكرة استخدامها جداً سهل.

***

الآيلاينر الكريمي:

الأيلاينر

النوع الكريمي أسهل من السائل بالاستخدام خاصة للمبتدئات, من الماركات الكويسة ماك, كلنيك, لكن الأفضل والأرخص سعراً هي ميبيلين وتجي معها فرشتها ولها ثلاث ألوان.. الأسود, الأسود بشوي قليتر, البني, الباذنجاني.

الأيلاينر

هنا الفرق بين آيلاينر ماك وآيلاينر ميبيلين, واضح سواد الميبيلين أكثر من ماك ..

***

طبعاً الآيلاينر لازم نستخدم معه فرشة, لكن أي نوع؟؟!

الأيلاينر

1- الفرشاة المائلة: تخليك تتحكمين برسمة العين بسهولة, عشان كذا أنصح فيها المبتدئات واللي يلاقون صعوبة في الرسم.

2– الفرشة الدقيقة: هذي للمتمرسات واللي يدهم خفيفة.

3– الفرشة المعقوفة: هذي تناسب الجميع لأن استخدامها سهل.

لمشاهدة الدليل الشامل لفرش المكياج تفضلي هـــــنـــــا ..

***

واللحين نجي لخطوات رسم الآيلاينر

عشان تكون رسمتك مرتبة لازم تثبتين كوعك على الطاولة ويدك الثانية تمدين فيها عينك, خذي وقتك ولا ترتبكين لأنك تقدرين تصلحين الأخطاء (بعلمك بعد شوي كيف تصلحين), تقدرين ترسمين عينك بقلم الكحل العادي بعدين تمشين عليه بالآيلاينر.

((اضغطي على الصور لتكبيرها))

الأيلاينر

ابدئي من الزاوية الخارجية وسوي خط مستقيم، اتبعي الخط الطبيعي لفتحة عينك عشان يصير الخط مايل (مثل السهم),  الحين امشي على نفس الخط بس كملي على داخل وعبي الفراغ,  روحي لزاوية عينك الداخلية و واسيه بالخارجي، وإذا كان أسهلك تقدرين تعكسين وتبدئين من الزاوية الداخلية وتسحبين على الخارج, أهم شيء تلقين الطريقة اللي ترتاحين فيها ..

***

إذا لقيتي صعوبة بالخطوة الأولى تقدرين تستعينين ببطاقة أو تيب لصاق ..

الأيلاينر

***

في حال غلطتي أو بغيتي ترتبين الرسمة أكثر, جيبي عود قطن وحطي شوي مزيل مكياج أو منديل مزيل مكياج و بشويش نظفي ..

الأيلاينر

و لا تنسين الماسكرا ..

و بــــــــــس ..

أتمنى أكون كفيت و وفيت بهالموضوع ..

🙂

بيلا نوفيلا bella novela

Advertisements

63 thoughts on “كيف تضبطين الآيلاينر باحتراف

  1. التنبيهات: خطوات عمل المكياج – اسم الموقع

  2. التنبيهات: مكياج خــوخـي للسهرات | مـدونـة Bella Novela

  3. التنبيهات: كيف رسم العيون  – چیچیلی

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s