خطوات عمل المناكير الأومبري أو المدرجة ..

مرحبا بنات !!

موضوعي اليوم عن طريقة حلوة ومبتكرة للمناكير ..

مناكير الأومبري أو المدرجة

الأومبري أو المدرج هي طريقة حلوة وسهلة  لإضافة إطلالة مرحة و عصرية لأي لوك ..

***

كل اللي تحتاجينه :

1- ثلاث ألوان من المناكير , لك كامل الحرية لتنسيق الألوان , تقدرين تلتزمين بلون واحد لكن بثلاث درجات مختلفة.

2- صحن فيه شوي مويه.

3- إسفنجة صغيرة.

4- مناكير بلون لحمي أو أبيض لوضعها كأساس قبل التدريج.

5- مزيل مناكير وأعواد قطن للتنظيف.

***

خلونا نبدا ..

أول خطوة هي انك تحطين طبقة مناكير شفافة عشان تكون حماية للأظافر، نتركها تجف ..

***

مناكير الأومبري أو المدرجة

حطي مناكير لحمي أو أبيض عشان إذا حطيتي الألوان تطلع زاهية و واضحة، ونتركها تجف, نغطس الاسفنجة في صحن موية ونعصرها شوي، نبغاها رطبة مو مبلولة ..

***

ناخذ الألوان ونحط خط من كل لون على الإسفنجة (لازم تسوين هالخطوة بسرعة قبل ما تنشف المناكير) ..

مناكير الأومبري أو المدرجة

نحط الاسفنجة و نربتها على الاظفر, مو لازم تضغطين وتعصرين اصبعك 🙂 التربيت يكفي بس انتبهي الاسفنجة تكون بنفس المكان عشان ما تختلط الألوان ويصيرلك كوكتيل هههه, في المحاولة الأولى بتطلع الألوان شوي خفيفة, كرري العملية حتى تصير الألوان واضحة, ماعليك من الحوسة لأنك بتنظفين بعد ما تخلصين ..

***

مناكير الأومبري أو المدرجة

خذي عود قطن عليه مزيل مناكير ونظفي حول الأظافر, إذا كانت الألوان اللي حطيتيها غامقة بتاخذ وقت لين تروح, إذا خلصتي حطي طبقة أخيرة من المناكير الشفافة عشان تحمي الألوان وتعطيها لمعة حلوة ..

وبــــــــس !!!

سهل مرة صح …

لو بغيتي تزينينها أكثر بدال ما تكون الطبقة الاخيرة شفافة حطي مناكير شفافة مع قليتر ..

أتمنى عجبكم الموضوع  وتجربون هالطريقة وتعطوني آرائكم 🙂

بيلا نوفيلا bella novela

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s