لبشرة مشرقة (ماسك الكركم والزبادي)

مرحبا بنات !!

اليوم جبت لكم ماسك الكركم والزبادي ..

الزبادي له فوائد في تفتيح البشرة وتغذيتها وحمايتها من الشيخوخة, والكركم له فوائد في علاج الأكزيما وترطيب البشرة الجافة وتوحيد لونها ..

الماسك مقاديره متوفرة في كل بيت وتقدرين تسوينه بأي وقت تكونين فيه فاضيه وجالسه عند التلفزيون 🙂

***

فوائد الماسك:

1- بشرة صحية ونضرة.

2- يضفي الشباب و الإشراقة.

3- يساعد على تخفيف الحبوب وآثارها.

***

ستحتاجين:

1- جهاز البخار, وإذا ما عندك استعيني ببخار موية مغلية.

2- زبادي.

3- كركم.

4- طماطم.

5- سكر.

***

الطريقة:

أولاً خلي بشرتك تتعرض للبخار عشان تتفتح المسامات و يصير أسهلها تتشرب العناصر المفيدة من الماسك, إذا كانت بشرتك حساسة تكفيها 10 دقايق وإذا لأ خليها تقريباً 15 دقيقة ..

ماسك الكركم والزبادي

بعد البخار وقبل الماسك سوي صنفرة للبشرة, خذي نص طماطم وغمسيها بصحن سكر وبحركة دائرية سوي لبشرتك مساج, الخطوة هذي بتنظف البشرة من القشور والشوائب, إذا خلصتي خليها على بشرتك 5 دقايق قبل تغسلين بالموية الفاترة ..

***

اللحين نجي للماسك..

نجيب صحن ونضيف لكل 3 ملاعق زبادي نص ملعقة كركم ..

ماسك الكركم والزبادي

نحط الماسك على الوجه والرقبة مع تجنب منطقة العينين والشفاه, اتركي الماسك حتى ينشف واشطفيه بماء فاتر ثم ماء بارد لغلق المسامات, ممكن يبقى شوي تصبغ من الكركم لا تخافين غسلي وجهك بالغسول اللي تستخدمينه لتنظيف وجهك كل يوم و بيروح ..

بعدين حطي الكريم المرطب وكريم العيون وبـــــــس ..

***

على طول راح تحسين البشرة منتعشة و مترطبة ..

أنصحك تسوين الماسك مرتين بالأسبوع  و بتلاحظين النتيجة ..

أتمنى يعجبكم الماسك وتجربونه بس لا تنسون تعطوني رايكم فيه ..

🙂

بيلا نوفيلا bella novela

Advertisements

35 thoughts on “لبشرة مشرقة (ماسك الكركم والزبادي)

  1. ليش ممنوع الاقتراب من منطقة العيون أريد أن اعرف السبب مع أنه الكركم مفيد للهالات السوداء اللي حول العين و مفيد للتجاعيد حسب ما قرأت عنه

  2. بشرة بنتي جافه جدا وحساسه
    ممكن تدليني على شئ سريع يناسبها من الماسكات لان عندنا بعد اسبوع مناسبه ..
    انا فكرت اعملها خليط مسحوق الكاجو واللوز وزعفران وحليب مدة ساعه الى 1/2 ساعه
    وبعدها تغسله وتمسح بزيت لوز وعليه نقاط من لليمون ..هل تعتقدي ممكن يفيد والقناع يناسبها
    واذا عندك فكره او معلومه ياليت ماتنسيني من ردك الجميل ..
    ربي يسعدك ويبارك لك في وقتك ..

    • بالنسبة لليمون اللي اعرفه انه يزيد من جفاف البشرة الجافة.. انا بشرتي جافة وللامانة ما استعمل الا كريم Qv من الصيدليات ناسبني.. هو كريم مرطب كثيف مامنه ضرر.. انا مو مرة خبرة بالخلطات 😊

  3. ماهو افضل الكريمات المعالجه لبشرة الوجه لشد البشره ومقاومة ترهلاته ومقاومة علامات تقدم السن

  4. حلوة الطريقه بس ضروري البخار والطماطم والسكر لاني انا بعرف هاي الطريقه من أبل بغسل وجهي منيح وبعدين بحط لبن وكركم بخليه ساعه نص ساعه وبعدين بغسله

  5. سلام انا كانصايب وجهي دانون مسوس لي هو ( ياغورت) و خرقوم (كركم) نصف ساعة و لكن ما شفت حتى نتيجة

  6. انا حالتي متأزمه مع الكركم وجهي يقعد اصفر وعع مااعرف ليش يقعد اللون هل الخطأ من الغسول ام في المقادير
    شكرا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s