كيفية تركيب الرموش الصناعية

تركيب الرموش

مرحبا 🙂

العين مالها جمال وطله غير بالرموش, وكلنا نعرف أن أي مكياج للسهرات ما يكتمل إلا بالرموش لكن مشكلة أغلب البنات هي انهم يحوسون فيه واحتمال يخربون مكياجهم, جبتلكم طريقة تركيبها بسهولة وبدون فوضى ..

الرموش الموجودة بالسوق نوعين الكاملة والمتفرقة، بالنسبة لكثير من النساء الرموش الكاملة استخدامها أسهل وأسرع من الرموش المتفرقة، لكن هذا تفضيل شخصي لكل وحدة, جربيهم كلهم وشوفي اللي يعجبك أكثر ..

***

1- تركيب الرموش الكاملة:

تركيب الرموش

الأدوات اللي نحتاجها:

تركيب الرموش

1- رموش كاملة من أي ماركة.

2- صمغ خاص بالرموش الصناعية، يفضل ماركة ( دوو ) موجودة في أغلب محلات المكياج.

3- ملقط.

4- مقص إذا احتجنا نقص الرموش ونعدل مقاسها.

***

يلا نبدأ 🙂

خذي الملقط واسحبي طرف الرموش بشويش ..

تركيب الرموش

ناخذ الرموش الصناعية ونحطها على الرموش الطبيعية عشان نشوف إذا طولها مناسب (بالصورة الرموش أطول من العين) ..

 في هالحال ناخذ الرموش ونقص شوي، حطي في بالك الرموش لازم تكون بطول فتحة العين ..

بالعادة الرموش الصناعية طولها متدرج قصير من الطرف الداخلي للعين ويطول لحد يوصل للطرف الخارجي، عشان كذا ضروري القص يكون من الجهة الطويلة أي الطرف الخارجي، لأننا نبغى نحافظ على تدرج الرموش الطبيعي ..

***

يفضل لو تحطين طبقة خفيفة من المسكرا لأن الرموش الصناعية بيكون سوادها واضح وإذا حطيتي الرموش على طول ماراح تندمج بشكل طبيعي مع رموشك، بعد المسكرا استني دقيقتين لحد ما تنشف عشان ما تتلطخين ..

***

فيه طرق مختلفة لوضع الصمغ على الرموش:

تركيب الرموش

تقدرين تستعيني بعود قطن أو عود أسنان, أو تستخدمي الصمغ مباشرة من العلبة, شوفي الطريقة اللي تريحك ..

(( انتبهي ))

أهم خطوة وهي السبب الرئيسي في تركيب الرموش بشكل صحيح هي أنك تنتظرين الصمغ يجف شوي, يعني تقريباً من ثلاثين لأربعين ثانية قبل تركبينها، لا تخافين كل ما طولتي كل ما كان أسهل تركيبها ..

بهالوقت أنصحك بأنك تثنين الرموش عشان تلين و تاخذ شكل العين بشكل أفضل ..

***

تركيب الرموش

جلسي الرموش الصناعية على رموشك بعدين خذي الملقط وثبتيها على رموشك الطبيعية ..

باستخدام الملقط أو بإصبعك اضغطي الرموش الصناعية مع الطبيعية عشان تدمجينهم مع بعض ..

بعد ما ثبتنا الرموش نعيد على الأيلاينر عشان نزيد سواد الرموش ونخفي الصمغ, تقدرين تحطين طبقة ثانية من المسكرا كخطوة أخيرة ..

***

كيف أشيل الرموش الكاملة؟

احرصي أن قبل تمسحين المكياج تشيلين الرموش الصناعية، جيبي قطنة فيها مزيل مكياج وخليها شوي على الرموش عشان تفكك الصمغ بعدين بعناية اسحبي الرموش من الطرف الخارجي، إذا حسيتي الصمغ ماسك ارجعي عليه بالمزيل (يفضل يكون مزيل مكياج زيتي).

هل كثرة استخدام الرموش الصناعية مضر للرموش الطبيعية؟

لا.. يعتمد على جودة الصمغ وطريقة سحبك للرموش بعد استخدامها, لو كنتي عنيفة رح تشيلين من رموشك الطبيعية مع الصناعية, عشان كذا لازم تنتبهين بأن يدك تكون خفيفة وناعمة مع الرموش.

هل أقدر أرجع استخدم الرموش مرة ثانية؟

هذا الشيء يعتمد عليك، وعلى هل استخدمتي عليها مسكرا أو لا, تقدرين تاخذين الرموش وتنظفينها من الصمغ القديم باستخدام مزيل المكياج, استخدامها لحد أربع أو خمس مرات، لكن في حال كان عليها مسكرا مدة صلاحيتها بتكون أقل.

*

*

2– تركيب الرموش المتفرقة:

تركيب الرموش

أول شيء حطي مسكرا على رموشك الطبيعية واتركيها تجف ..

***

تركيب الرموش

حطي كمية بسيطة من الصمغ على يدك أو على سطح أملس, خذي كم حبة وحطي طرفها بالصمغ, شيلي بالملقط و ثبتيها بين الرموش الطبيعية قدر المستطاع ..

حطي الثانية وخلي بينها وبين اللي قبلها فراغ بسيط، بهالشكل يطلع شكلها طبيعي وغير متكلف, اضغطي عليها بإصبعك عشان تلصق زين ..

***

ندمج الرموش الصناعية بالطبيعية بالمسكرا, لكن بشويش عشان ما تطلع من مكانها..

تركيب الرموش

تقريباً من ستة إلا عشر حبات تكفي، وهذا يعتمد على اللوك اللي تبينه، كل ما خففتي الكمية كل ماصار طبيعي أكثر ..

***

كيف أشيل الرموش المتفرقة؟

نفس طريقة الرموش الكاملة وهي تحطين قطنة عليها مزيل مكياج عشان يتفكك الصمغ، بعدين بانتباه شديد اسحبي كل رمشة صناعية.

هل أقدر أرجع استخدم الرموش المتفرقة؟

يفضل لا, ماتسوى عليك تنظفين كل حبة ههههههههه.

*

*

وبـــــــــــس 🙂

بيلا نوفيلا bella novela

Advertisements

61 thoughts on “كيفية تركيب الرموش الصناعية

  1. التنبيهات: مكياج حورية البحر | مـدونـة Bella Novela

  2. التنبيهات: العيد عيدين مع هذا المكياج | مـدونـة Bella Novela

  3. التنبيهات: مكياج على طريقة Gigi Hadid. | makeup11

  4. التنبيهات: مكياج على طريقة Adele | مـدونـة Bella Novela

  5. التنبيهات: مكياج صيفي بـرونـزي | مـدونـة Bella Novela

  6. التنبيهات: مكياج على طريقة Cara Delevingne | مـدونـة Bella Novela

  7. التنبيهات: خطوات عمل المكياج – اسم الموقع

  8. التنبيهات: مكياج خــوخـي للسهرات | مـدونـة Bella Novela

  9. التنبيهات: مكياج خــوخـي للسهرات – اسم الموقع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s