تألقي بسموكي الأبيض والأسود

black and white

مرحبا 🙂

الأسود والأبيض مثل الشوكولاتة والفانيليا في عالم الموضة ..

بسيطة لوحدها لكن رائعة مختلطة معاً ..

مين فينا ما تحب هاللونين مع بعض ؟؟!!

عشان كذا جبتلكم خطوات سموكي للعيون بالأبيض والأسود ..

((اضغطي على الصور لتكبيرها))

سموكي الأبيض والأسودسموكي الأبيض والأسود

 

سهل وبسيط و روووووعة ..

***

يلا نبدأ ..

بما انك بتشتغلين بالشدو الأسود يستحسن لو تخلين الكونسيلر بعد ما تخلصين ..

لخطوات الفاونديشن اضغطي هــــنــــا

لخطوات الكونتور والهايلايت اضغطي هــــنــــا

لمشاهدة الدليل الشامل لفرش المكياج تفضلي هـــــنـــــا ..

***

 قبل ما نستخدم الشدو نحتاج بيس للأبيض، ناخذ جمبو بنسل من ماركة نكس أو أي كحل أبيض (يمكن الكحل العادي يكون شوي ناشف، مرري عليه نار الولاعة عشان يلين)

سموكي الأبيض والأسود

نوزعه على نصف الجفن فقط خلي زوايا العين فاضية ..

***

بالكحل الأسود نحدد زوايا العين الداخلية والخارجية ..

سموكي الأبيض والأسود

انتبهي الكحل الأسود ما يتعدى الجفن المتحرك ..

***

أهم شيء بهاللوك هو الدمج ثم الدمج ثم الدمج ..

سموكي الأبيض والأسود

خذي فرشة دمج نظيفة وادمجي الأسود بس, انتبهي ما تدخلين على الأبيض اللي بالنص ..

***

سموكي الأبيض والأسود

بفرشة دمج ثانية نظيفة ناخذ شدو لحمي ونحطه فوق الجفن المتحرك (عظمة الجفن) عشان يعطيك تدرج بالألون ..

***

بالشدو الأسود نحط على مكان البيس الأسود اللي حطيناه أول, ثم نرجع لفرشة الدمج  و ندمج ..

سموكي الأبيض والأسود

وعلى الزاوية الداخلية بس خليك على نفس المنطقة لا تطلعين فوق كثير, ثم ندمج .. ندمج.. ندمج ..

***

سموكي الأبيض والأسود

بفرشة صغيرة والشدو الأبيض نركز على المنطقة النصفية من الجفن المتحرك ..

***

اللحين خلصنا من العين من فوق.. تقدرين اللحين لو حبيتي تنظفين تحت عينك بمنديل مزيل الميكب وتحطين كونسيلر, أو تنتظرين لحد تخلصين مرة وحده (لك الحرية) ..

***

سموكي الأبيض والأسود

بفرشة صغيرة نمشي على منابت الرموش السفلية بالشدو الأسود, و بفرشة دمج صغيرة ناخذ شوي من الشدو اللحمي و بشويش ندمج ..

و طبعاً نكحل داخل العين بالأسود ..

***

الحين دور الرموش ..

سموكي الأبيض والأسود

بعد ما نعقص الرموش ونحط المسكرا نركب الرموش (اقرئي موضوعي عن الرموش الصناعية) ..

***

سموكي الأبيض والأسود

بفرشة نظيفة ناخذ من أي شدو فاتح فيه لمعه (الصورة: shroom من MAC) ونحطها كهايلات تحت الحاجب ..

***

وبكذا نكون خلصنا ..

سموكي الأبيض والأسود

🙂

أتمنى يعجبك اللوك وتجربونه ..

و لا تنسون تشتركون بالمدونة عشان يوصلكم كل جديد ..

بيلا نوفيلا bella novela

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s