DIY: اصنعي بنفسك باليت للأرواج

DIY باليت أرواج

مرحبا 🙂

اليوم بسوي أول موضوع (DIY) في مدونتي ..

Do It Yourself أو اصنعيها بنفسك هي من المواضيع اللي كثير من البنات يحبونها لأنها تعطيك الفرصة انك تصنعين أشياء مميزة عليها طابعك أنت ..

DIY اليوم هو صنع باليت للأرواج ..

((اضغطي على الصور لتكبيرها))

DIY باليت أرواج

فوائد باليت الأرواج:

  • بيختصرلك من المساحة في درج المكياج و بترتيب.
  • مناسب للسفر لأن وزنه خفيف، وخياراتك بتكون أكبر.
  • تتأكدين أنك تستخدمين الروج لأخر نقطة، أكثر ما يقهر في الروج إذا بقى فيه شوي وما تقدرين تستخدمينه زين و متحسفة ترمينه.
  • تقدرين تخترعين ألوان خاصة  فيك.

***

DIY باليت أرواج

بتحتاجين علبة (باليت) بلاستيك تلقينها بالمكتبات أو محلات الخردوات (أبوريالين – يابلاش..إلخ)

أو تقدرين تاخذين العلب اللي ترتب لك الحبوب من الصيدليات ..

***

فيه طريقتين لهذا الـDIY ..

1– الإذابة بالشمع:

DIY باليت أرواج

اجمعي أرواجك اللي تبغين تنقلينها للباليت، ولا تنسين الأرواج اللي باقي فيها شوي وماتبين ترمينها ..

***

باستخدام السكين نطلع الروج من أنبوبته ونحطه على ملعقة ..

DIY باليت أرواج

نحط الملعقة على شمعة بس ننتبه ما تكون مرة قريبة عشان ما يحترق الروج، رح يذوب بسرعة, بعد ما يذوب نصبه في الباليت، نمسح الملعقة قبل نذوب لون ثاني ..

***

(إذا كان الروج جديد وتبين تاخذين جزء منه بس)

DIY باليت أرواج

باستخدام السكين نقص الجزء السفلي من الروج بشويش، نحطه على ملعقة عشان نذوبه بعدين ..

نوجه أنبوبة الروج على الشمعة (5 ثواني تقريباً), نركب الجزء العلوي للروج ونرجعه مكانه ..

حطيه بالثلاجة 10 دقايق عشان يجمد و يرجع لطبيعته ..

***

2الإذابة بالمكريويف:

باستخدام السكين نقص الأرواج ونحطها زي ماهي بالباليت (لا تكثرين الكمية في المربع عشان ما يفيض) ..

DIY باليت أرواج

نظمي الألوان حسب درجاتها عشان يطلع الباليت مرتب إذا خلصتي

***

DIY باليت أرواج

إذا بقى شوي مره من روجك المفضل تقدرين تضيفينه على أي روج ثاني عشان تخترعين لون جديد 🙂

***

حطي الباليت في المايكرويف و حددي الوقت دقيقتين (احتمال كل مايكرويف يختلف في قوته عشان كذا افتحيه كل 20 ثانية عشان تراقبين شكله و ما يحترق)

DIY باليت أرواج

هذا شكله بعد دقيقة ونص تقريباً (شفتي كيف ما احتاج كل المدة), طلعيه من المايكرويف بشويش لأنه بيكون سايل مره، اتركيه يبرد ويجمد قوامه ..

***

إذا خايفه تضعين أسامي الأرواج جيبي ورقه واكتبي عليها الأسامي ولصقيها على الغطاء ..

DIY باليت أرواج

زيني خارج الباليت على حسب ذوقك ..

*

*

*

و بكذا خلصنا وصار عندنا باليت مميز وخاص ..

أتمنى يعجبكم ولا تنسون تشتركون بالمدونة 🙂

بيلا نوفيلا bella novela

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s