السر إلى شعر طويل وصحي

حمام زيت

مرحبا 🙂

من المعروف أن سر الشعر الجميل والصحي هو فروة الرأس الصحية ..

عشان كذا جبت لكم نظام للعناية فيه خلطة زيوت طبيعية ومتوفرة في كل مكان ..

فيه بنات يحبون هالسوالف ويستمتعون وهم يخلطون ويلطخون بهالخلطات، بس أنا من نوع الأشخاص العجلين اللي لازم أشوف النتيجة بسرعة عشان يصير عندي دافع أكمل واستمر ..

إذا كنتي مثلي وتستصعبين حكاية حمام الزيت عشان الروائح المزعجة فعندي لك الحل، نظام العناية اللي بعلمك عليه روائحه خفيفة وبتحسين بالفرق من أول أسبوع ..

***

الزيوت المستخدمة وفوائدها:

عناية بالشعر

  • زيت جوز الهند:  يعمل العجائب لفروة الرأس الجافة والدهنية على حد سواء، ويساعد الشعر المتضرر على استعادة بريقه وحيويته، والحفاظ عليه من الداخل والخارج, بالنسبة للريحة فهو يذكرني بريحة البسكويت 🙂 .. (قريباَ بسوي موضوع شامل ومفصل عن استخداماته الكثيرة).
  • زيت اللوز:  مصدر غني بفيتامين E, فيتامين D, مغنيسيوم, و نسبة من المعادن والدهون المفيدة في نواح كثيرة.
  • زيت الزيتون:  يساعد على نمو الشعر وذلك لاحتوائه على فيتامينات D ,E ,B, يحتوي أيضا على الدهون الأحادية الغير مشبعة التي تعمل على تقوية جذور الشعر ومنع تساقطه وتزيد من بريق الشعر ولمعانه.
  • زيت الصبار:  يحتوي على نسبة عالية من الأحماض الدهنية، وهو مهم في الحد والوقاية من فقدان وتساقط الشعر، ويعمل كحماية للبصيلات.
  • زيت الأركان:  يساعد على زيادة نمو الشعر بشكل صحي وقوي ويعالج ويجدد الشعر التالف، وهو منعم طبيعي للشعر المجعد وذلك لإحتوائه على بعض الفيتامينات وخاصة فيتامين E و فيتامين A.

***

الطريقة:

نجيب زبدية ونخلط فيها الزيوت, نصب كميات متساوية على حسب طول شعرك ..

حمام زيت

نسخنها بالمايكرويف عشان تصير دافئة، تقريباَ 25 ثانية تكفي، تأكدي أنها ما تكون حارة ولكن دافئة، والسبب هو أنها تسمح لفروة الراس بتشربها بشكل أفضل, بعد ما صارت دافئة نوزعها على الجذور أولاَ ..

طريقة التوزيع الصحيحة هي أنك تغمسين أصابعك بالزيت بعدين تسوين مساج للفروة عشان تتحرك الدورة الدموية، كل ما تنتقلين لقسم من الشعر ارجعي غمسي أصابعك بالزيت لحد ما تغطين كل الجذور ..

بعدين ننتقل للأطراف.. برضو غمسي أصابعك ومشطي شعرك بيدك عشان تغطين كل شعره ..

ترا مو شرط تستخدمين كل الزيت وتخلينه لحد ينقط من شعرك، كمية بسيطة تكفي تغذي لك الشعر كله ..

***

حمام زيت

ظفري شعرك وارفعيه على شكل كعكة ..

***

بعدين عشان ندفئ الفروة زيادة ناخذ سيشوار وبحرارة متوسطة نمشي على الراس كله ..

في حال كنتي تبين تنامين فيه تأكدي أنك تلفين راسك بسكارف أو منشفة عشان ما تبقع مخدتك ..

بس إذا جالسة بالبيت وما عندك شيء غطي شعرك وخليه بالمدة اللي تريحك بس ما تقل عن ساعتين، الزيوت طبيعية وما منها ضرر إذا طولت على راسك ..

***

بالنسبة للشامبو تقدرين تختارين النوع اللي تحبينه، شخصياَ نوع شعري عادي إلى جاف بس عندي شامبو للشعر الدهني استخدمه إذا سويت حمام زيت لشعري عشان ينظف بسرعة ..

خذي شور عادي بس ضروري دايماَ بعد الشامبو تحطين بلسم على أطراف شعرك، حتى بالأيام العادية ..

***

خلال الأسبوع إذا ما عندك وقت تسوين حمام الزيت تقدرين تستخدمين الماسكات بعد الشامبو والبلسم ..

الأنواع الحلوة للماسكات:

حمام زيت

  • ماسك الثوم.
  • ماسك الثوم – الصبار – جوز الهند.
  • ماسك بيض – عسل – خروع – نخاع.

***

بالنسبة لاستخدام الماسك هو أنك بالشور غسلي بالشامبو وحطي البلسم دقيقتين وإذا غسلتيه جففي شعرك بالمنشفة شوي بعدين حطي الماسك على كامل الشعر مع حركات المساج للفروة، اتركيه على شعرك وكملي شور، بعد 10 دقائق شطفي بموية باردة ..

***

سوي هذا النظام مرة في الأسبوع عالأقل أو على حسب قدرتك ..

على طول بتحسين شعرك مترطب وفيه لمعه صحية حلوة, وبعد كم اسبوع بتشوفين الفرق من جد!! بتلاحظين نمو شعر جديد وبتلقين شعرك يطول أسرع من المعتاد ..

أتمنى تجربون هالنظام وتعطوني رايكم فيه ..

ولا تنسون تشتركون في المدونة 🙂

بيلا نوفيلا bella novela

Advertisements

4 thoughts on “السر إلى شعر طويل وصحي

  1. دائما استخدام الزيوت يبكون من احسن الحلول لترطيب الشعر وتغذيته ويساعد انه يخليه أطول وأكثف,وتدليك فروة الرأس وعمل مساج بالزيوت اللي يكون جوز الهند أحد مكوناتها وايد يساعد على تطويل الشعر. باراشوت مسوين مجوعة كاملة من زيوت وكريمات وحمام زيت وسيروم وبديل زيت مكوناتهم الرئيسية الكوكوليبيد, وكاتبين معلومات اكثر عن فوائد الكوكوليبيد على موقعهم http://www.parachutegold.com/ar/products/benefits/healthy-scalp/

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s