DIY: زيني غرفتك بزجاجة Chanel n.5

diy chanel bottle

مرحبا 🙂

عطر شانيل رقم5 هو أول عطر تنتجه هذه الماركة، ظهر في السوق عام 1921م

و لازال بعد كل هذه الفترة من العطور المفضلة للنساء حول العالم، قالت عنه مارلين مونرو أنها ما تقدر تستغني عنه حتى في وقت النوم ..

و بما أن شانيل علامة فارقة في الموضة إيش رايك نصنع ديكور للغرفة على شكل مجسم لزجاجة العطر رقم5 ..

((اضغطي على الصور لتكبيرها))

عطر شانيل

***

تقدرين تستفيدين منه انك تخبين فيه اللي تبين من غير محد يدري ههههههه

عطر شانيل

***

الأدوات اللي بنحتاجها:

عطر شانيل

  • قليتر بلون فضي ولون ذهبي.
  • الغراء الأبيض المخصص للأعمال اليدوية (هو غراء و ورنيش بنفس الوقت).

عطر شانيل

  • كرتون مستطيل، غطا (من علب البخاخات القديمة أو فاونديشن قديم)، كرتون صغير.
  • مقص ومسدس غراء.

***

diy chanel bottle

يـلا نـبـدأ ..

أولاً نتأكد أننا نشتغل على سطح ثابت ونفرش عليه ورق عشان القليتر ..

عطر شانيل

نلصق الفتحة العلوية بس للكرتونة عشان شغلنا يصير نظيف ومرتب

***

عطر شانيل

بمسدس الغراء نلصق الغطا بالكرتونة الصغيرة ونتركها تجف

***

نغطي غطا المجسم بالغراء الأبيض من جميع النواحي ..

عطر شانيل

(الغراء الأبيض هو غراء يستخدم في الأعمال اليدوية، انتبهي ما توسخين نفسك عشان ما تتورطين بالتنظيف، تلقينه في المكتبات الكبيرة ومحلات الأشغال اليدوية وممكن تلقينه عند المحلات اللي زي ساكو، بعض أنواع الغراء الأبيض يحتاج تخفيف بالماء، اسألي صاحب المحل عن النوع اللي عنده)

***

عطر شانيل

ننثر القليتر الفضي على جميع النواحي ..

***

عطر شانيل

نسوي المثل بالكرتون الكبير ونغطيه بالغراء الأبيض (تقدرين تتركين الجهة الخلفية من غير قليتر لأن محد بيشوفها، سوي اللي يريحك) ..

***

عطر شانيل

ننثر عليه القليتر الذهبي ونتركه حتى يجف تماماً ..

***

على بال ما يجف الغراء والقليتر، إطبعي صورة العطر هذي :

chanel n5 bottle

طبعاً حاولي تطبعين حجم مناسب للكرتونة اللي عندك ..

***

عطر شانيل

بعد ما طبعتيها خذي المقص وقصي الكتابة اللي على زجاجة العطر, نلصق الورقة على ورق مقوى عشان تثبت زين على القليتر ..

نحط عليها من الغراء الأبيض ونلصقها على الكرتونة ..

***

نترك غراء الورقة ينشف وناخذ الغطا عشان نثبته عالمجسم ..

عطر شانيل

نستخدم مسدس الغراء على أسفل الغطا ونثبته على الكرتونة الكبيرة، نزيد الغراء إذا احتاج زيادة عشان يثبت ونتركه يجف ..

***

عطر شانيل

نجيب شريطة سوداء ونلصقها على عنق الغطا، بس خلي التلصيق من وراء عشان ما يبان ..

نسوي فيونكة صغيرة ونلصقها على الشريطة الأولى ..

***

وهـذا الـشـكـل الـنـهـائـي

عطر شانيل

***

أتمنى تعجبكم الفكرة وتنفذونها…. و صورولي أعمالكم 🙂

لا تنسون تشتركون بالمدونة بـلـيـززز

بيلا نوفيلا bella novela

Advertisements

8 thoughts on “DIY: زيني غرفتك بزجاجة Chanel n.5

  1. ماشاء الله مبدعة😍، الله يسعدك ممكن تشيلين صورة الحرمة؛ لأن صور النساء لا تجوز، حباً لله💓

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s