مكياج وردي ناعم

قليتر وردي

مـــــــــرحــــــــــبــــــــــــــــــا

مكملين بالشهر الوردي (أكتوبر التوعية بسرطان الثدي) ، واليوم موضوعي عن مكياج بنوتي جداً ناعم باستخدام باليت Naked 3 ذو التغليف الوردي الجميل (الوصف متعوب عليه 🙄 ) ..

طبعاً إذا ما عندك هالباليت تقدرين تستخدمين شادوهات مشابهة ..

***

بالبداية نحضر البشرة ونجهزها بالأساسيات ، ادخلي هـــــنــــــا للتفاصيل ..

إذا كنتي تبغين تسوين كونتور و هايلايت ، تفضلي هـــــنـــــا ..

لمشاهدة الدليل الشامل لفرش المكياج تفضلي هـــــنـــــا ..

***

(اضغطي على الصور لتكبيرها)

نيكد3 نكد3 نيكد 3 نكد 3 maked 3

1- بعد برايمر العيون (أو كونسيلر لو ماعندك)، ناخذ أفتح لون (Strange) ونحطه على عظمة الحاجب ومدمع العين ..

2- ناخذ اللون الوردي المات (مطفي) اسمه (Nooner) ونحطه على كسرة العين والزاوية الخارجية للجفن بفرشة دمج ..

3- ثم ناخذ اللون المطفي الآخر وهو أفتح من (Nooner) واسمه (Limit) وندمجه بنفس الفرشة على نفس المكان السابق ..

4\5- ناخذ شادو وردي مذهب أو روز قولد اسمه (Trick) ونحطه على كامل الجفن المتحرك وتحت العيون ..

***

naked3

1\2- ناخذ اللون اللي اسمه (Factory) وهو لون يميل للوردي واللحمي الغامق وهو لامع شوي (ماعرفت اوصف اللون زين :\ )، و نحطه تحت كسرة العين وعلى منابت الرموش السفلية ..

3\4- باصبعك حطي شوي فكس بلس من ماك أو القطرة اللي تثبت القليتر (أنا أستخدم القطرة حقت انجلوت رااائعة)، واذا ما عندك استخدمي قطرة العين العادية، ضروري إذا تبغين القليتر يثبت مكانه، ثم ناخذ قليتر وردي ونحطه باستخدام الفرشة عشان يجي ناعم ومو مركز وثقيل (بالإصبع إذا تبينه واضح جداً) ..

***

3

نرسم خط أيلاينر بسيط (اختاري)، تفضلي هـــــنـــــا للموضوع الشامل عن الأيلاينر ..

كحلي داخل العين سواء بالكحل الأسود أو اللحمي ..

نركب الرموش الصناعية، نختار رموش ناعمة ومناسبة مع هذا اللوك، تفضلي هـــــنــــا لتتعرفي على تفاصيل هذا الموضوع ..

نحط بلشر وروج وقلوس بينك ونكون بكذا خلصنا 🙂

***

الــلــوك الــنـــهــائــــي

مكياج وردي نيكد 3 اربان ديكاي

جـــربـوه وعــطونـــي رايــــكـــم

*

*

*

الحملة ضد سرطان الثدي

Advertisements

One thought on “مكياج وردي ناعم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s