مكياج دخاني فضي

مكياج سموكي

مــــرحـــبــــا

المكياج الدخاني أو السموكي من أكثر أنواع المكياج شعبية خاصةً للسهرات ..

اليوم جبت لكم طريقة مكياج دخاني مثير ..

***

لخطوات الفاونديشن اضغطي هــــنــــا

لخطوات الكونتور والهايلايت اضغطي هــــنــــا

لمشاهدة الدليل الشامل لفرش المكياج تفضلي هـــــنـــــا ..

***

((اضغطي على الصور لتكبيرها))

مكياج لبناني

  • بعد ما نحط برايمر العيون، بفرشة دمج نحط شدو مشمشي على كسرة العين ..
  • بفرشة مسطحة نحط شدو فضي على الجفن المتحرك ..
  • ناخذ شدو رمادي وبفرشة دمج نحط على الزوايا الداخلية والخارجية للعين، وبالدمج نوصلهم ببعض على كسرة العين (نراعي أننا نخلي منتصف الجفن فضي فقط) ..
  • بقلم الكحل الأسود نكحل داخلي العين وعلى منابت الرموش السفلية ..
  • باستخدام عود القطن حق الإذن ندمج الكحل اللي أسفل العين, لا تخافين إذا حسيتي شكلك زي دب الباندا ههههههه، اللوك بيتعدل على آخر خطوة طولي بالك 🙂 ..

***

مكياج سهرات

  • بفرشة دمج صغيرة نحط شدو بني وندمجه أسفل العين ..
  • ناخذ شدو منثور باللون الرصاصي ونحطه على الزوايا الخارجية والداخلية للعين ..
  • ناخذ فرشة دمج كبيرة نظيفة وندمج بشويش كامل المنطقة (منتصف الجفن الفضي لا تلمسيه) ..
  • بفرشة مدببة نخلط شوي شدو بني وشدو أسود ونحط على الزوايا الداخلية والخارجية عشان نعطي عمق للعين ..
  • نرجع لفرشة الدمج الكبيرة وندمج بشويش ..
  • نحط مسكرا ونركب الرموش الصناعية، ادخلي هــــنــــا للتفاصيل ..

***

مكياج سهرة

اختاري روج أو قلوس ناعم عشان نبغى التركيز يكون على العيون أكثر شيء ..

***

ميك أب سهرة

أتمنى يكون اللوك عجبكم

*

*

اشتركوا في المدونة ليصلكم كل جديد

بيلا نوفيلا bella novela

Advertisements

مكياج جريء مع جديد إربن ديكاي The Electric Palette

electric palette and heroine lipstick

الــســلام عـلـيـكـم و رحـمـة الله و بـركـاتـه

بمناسبة وصول ماركة Urban Decay إلى سيفورا جدة ( فيس يبكي من الفرحة 🙂 ) قررت أحط لكم خطوات مكياج باستخدام أجدد باليت من هذي الماركة وهو …  The Electric Palette

طبعاً هذا الباليت يتكون من 10 ظلال صارخة وجريئة وتجي معها فرشة مزدوجة، بصراحة أول ما شفته قلت لنفسي : ( خـيييييييييـر!!!! حق مهرجين!! )

لكن لما شفته على كذا وحده حسيته مره حلو وأكيد بيكسر روتين الألوان الترابية السائدة ( محدثتكم ملكة اللوك الترابي 🙂 )

electric palette and heroine lipstick

بما إني جالسة أحتفل بهالباليت (مع نفسي ) ليش ما نحط معه روج بنفسجي جريء من ماك وهو Herione، طبعاً هذا الروج كان منقطع واللحين رجعوه.. بالنسبة للإسم فيه بنات فاهمين غلط ومفكرين اسمه (احم احم لا للمخدرات ههههه)، ترجمة اسمه هو (بطلة) .. وبصراحة الإسم راااااكب لأن اللون فعلاً بطل واللي تحطه بطلة ( منجد مع نفسي ) ..

***

يـــلا نـبـدأ

طبعاً لك الخيار إذا حابه تبدئين بالعيون أول أو بـالـفـاونـديـشـن أول، على العموم موضوع اليوم رح أركز على ميكب العيون فقط ..

((اضغطي على الصور لتكبيرها))

electric palette and heroine lipstick

  • نبدأ بأساس أبيض على كامل الجفن عشان تكون الألوان واضحة وثابتة (الصورة: جمبو بنسل من NYX) ..
  • ناخذ اللون الفوشي (jilted) ونحطه على الزوايا الداخلية والخارجية للعين ونوصلهم تحت الحاجب (منتصف الجفن المتحرك خليه فاضي) وندمج ..
  • ناخذ اللون الأخضر (freak) ونحطه بمنتصف الجفن المتحرك ..

***

electric palette and heroine lipstick

  • ناخذ اللون البنفسجي (urban) ونحطه على نفس مكان اللون الفوشي وندمجه مع مراعاة أن الدمج ما يتعدى اللون الفوشي ..
  • بفرشة الدمج نحاول ندمج للخارج عشان يعطينا اتساع لمدى العين ..
  • ناخذ فرشة مدببة ونركز اللون البنفسجي في نهاية الزاوية الخارجية ..

***

electric palette and heroine lipstick

  • بفرشة صغيرة نحط من اللون الأصفر (trash) على منتصف الجفن تماماً (يعني مو على كامل اللون الأخضر) ..
  • نرجع للون الفوشي وبفرشة صغيرة نحط على منابت الرموش السفلية ..
  • برضو نرجع للون البنفسجي ونحط على منابت الرموش السفلية ..

***

electric palette and heroine lipstick

  • ناخذ بفرشة صغيرة مدببة أي شادو أسود ونحطه بشويش على الزاويتين الداخلية والخارجية عشان يعطي عمق للعين ..
  • بنفس الشادو الأسود نرسم منابت الرموش العلوية والسفلية ..

***

electric palette and heroine lipstick

  • نختار أي شادو لؤلؤي فاتح ونحطه تحت الحاجب و زاوية العين الداخلية ..
  • نكحل داخل العين بالكحل الأسود الفاحم وماننسى طبقتين من الماسكرا عشان تعطينا كثافة للرموش (لك الحرية باستخدام الرموش الصناعية) ..
  • وطبعاً ننهي اللوك بالروج البنفسجي (Heroine).. تقدرين تستبدلينه بلون لحمي أو وردي ناعم ..

***

هــذا الــلــوك الـنـهـائـي

electric palette and heroine lipstick

أتمنى يكون عجبكم الموضوع ..

ولا تنسون الإشتراك بالمدونة ..

^_^

بيلا نوفيلا bella novela

ماكياج سهرة محايد

مكياج سهرة محايد

مـــرحـــبـــا

مثل ما تعرفين للماكياج أنواع وأشكال وألوان كثيرة، ودائماً قبل أي سهرة بعد ما تختارين الفستان تحاولين تنسقين الميك أب عليه، اليوم بعلمك على طريقة مكياج للسهرات ألوانه محايدة وتناسب كل فساتينك، والخطوات بسيطة جداً ..

***

يــلا نــبــدأ

أول شيء نحضر البشرة لاستقبال الميك أب، ابدئي بوجه نظيف وعليه الكريم المرطب، حطي البرايمر (البيس)، وحطي الفاونديشن و الكونسيلر (لك الخيار لو بغيتي تأجلينهم لبعد ما تخلصين مكياج العيون) ..

لمشاهدة الدليل الشامل لفرش المكياج تفضلي هـــــنـــــا ..

***

((اضغطي على الصور لتكبيرها))

مكياج سهرة محايد

حطي برايمر العيون (إذا ما عندك حطي شوي كونسيلر), بعدين نحط شدو فاتح تحت الحاجب ..

***

مكياج سهرة محايد

بفرشة دمج نحط شدو بني فاتح جداً (تقريباً لحمي غامق) تحت عظمة الجفن وندمجه لخارج العين، بعدين نحط شدو أبيض بلمعة على الجفن المتحرك ..

***

مكياج سهرة محايد

بقلم كحل أسود نرسم خط آيلاينر، و نستخدم فرشة صغيرة وندمج الآيلاينر عشان يعطينا تدرج بسيط ..

***

مكياج سهرة محايد

باستخدام فرشة دمج نحط شدو بني على زوايا العين الخارجية وندمجه للخارج، ثم نرسم الآيلاينر على شكل كات أيز ..

(انظري موضوعي الشامل عن الآيلاينر)

***

مكياج سهرة محايد

نكحل داخل العين بالكحل الأسود و نركب الرموش الصناعية ..

(انظري موضوعي الشامل للرموش الصناعية)

بفرشة مدببة صغيرة نحط شوي شدو أسود أسفل العين، ننهي ميك أب العيون بالمسكرا ..

(للحصول على خط شدو مستقيم على زاوايا العين الخارجية نستخدم منديل مزيل المكياج ونمسح الشدو الزائد)

***

نكمل باقي المكياج من كونتور  وبلش و أحمر شفاة ..

(انظري موضوعي الشامل للكنتور)

و بكذا نكون انتهينا من المكياج

مكياج سهرة محايد

***

أتمنى يكون عجبكم الماكياج ..

عطوني رايكم إذا جربتوه 🙂

بيلا نوفيلا bella novela

مكياج على طريقة هيفاء وهبي

مكياج هيفاء وهبي

مـــرحـــبـــا

تعلمي معي اليوم أحد اللوكات التي ظهرت بها هيفاء وهبي على غلاف أحد المجلات، المكياج يتميز بالجمال والأنوثة الشرقية ..

الطريقة جداً سهلة ويمكن استخدام المنتجات والألوان اللي تعجبك ..

***

– راح أركز على  لوك العيون فقط – اضغطي هــنــا لخطوات الفاونديشن –

لمشاهدة الدليل الشامل لفرش المكياج تفضلي هـــــنـــــا ..

نبدأ بوضع برايمر العيون وإذا ماعندك استخدمي الكونسيلر ..

***

((اضغطي على الصور لتكبيرها))

مكياج هيفاء وهبي

نوزع شدو ذهبي على كامل الجفن المتحرك، ومسحة بسيطة تحت الحاجب ..

***

مكياج هيفاء وهبي

نستخدم شدو لوس بلمعة ذهبية أو نحاسية ونحطها فوق كامل الجفن (رطبي الفرشة حتى يثبت الشدو) ..

***

مكياج هيفاء وهبي

بفرشة دمج ناخذ شدو نحاسي ونحطه تحت عظمة الجفن ..

***

مكياج هيفاء وهبي

بنفس الفرشة ناخذ شدو نحاسي محمر ونحطه تحت عظمة الحاجب على اللون النحاسي الأول ..

***

مكياج هيفاء وهبي

نكحل العين بالآيلاينر الأسود ونبدأ من الزاوية الداخلية إلى الخارجية (انظري موضوع الآيلاينر الشامل) ..

***

مكياج هيفاء وهبي

نحط المسكرا ونركب الرموش الصناعية (انظري ملف الرموش الصناعية الشامل) ..

***

مكياج هيفاء وهبي

نحط شدو بلون التركواز على منابت الرموش السفلية امتداداً إلى نهاية اللآيلاينر ..

***

مكياج هيفاء وهبي

نحط شدو بنفسجي تحط خط الشدو التركواز ..

***

مكياج هيفاء وهبي

و كحال أي لوك عربي نكحل داخل العين بالأسود ..

***

مكياج هيفاء وهبي

نختار محدد شفايف وقلوس بلون لحمي أو زهري فاتح (ولاتنسين الشامة ههههههه) ..

*

*

أتمنى يعجبكم اللوك النهائي ولاتنسون تعطوني رايكم …

مكياج هيفاء وهبي

*

*

🙂

بيلا نوفيلا bella novela