DIY: اصنعي مقسمات لأدراجك

مقسم الأدراج

مـــــــرحـــــــبـــــــا

تبغين يكون عندك أحلى وأرتب الأدراج؟! تماماً على ذوقك ،، بالألوان والمقاسات؟!

أقدم لك عزيزتي خطوات لصنع مقسمات للأدراج بأقل التكاليف ..

***

الأدوات

لوح فلين مقوى مقاس 30×20 سم (لوح أو لوحين لكل درج) موجود في المكتبات ..

نوعين قماش : قماش للقاعدة / قماش للأطراف (يُفضل نوع حوافه ما تنسل أظن اسمه فينيل)

طبعاً تختارين وتنسقين الألوان حسب ذوقك ورغبتك ..

بخاخ لاصق (موجود في ساكو)، أو أي غراء مناسب للأقمشة ..

مسدس غراء (ضروري لصنع الفواصل الصغيرة) ..

شريط قياس ..

قلم رصاص ومسطرة ..

مشرط ..

مقص ..

***

((اضغطي على الصور لتكبيرها))

فواصل أدراج

الــطــريــقــة

  • ناخذ مقاسات الدرج (الطول والعرض)، يُفضل لو أخذتي المقاسات من داخل الدرج ..
  • ناخذ مقاس الارتفاع للدرج و نحط في بالنا أن القاعدة بتاخذ تقريباً انش من المقاس ..
  • بالمسطرة نحدد القياسات على اللوح :

مقسم درج

(الصورة توضح القطع الأساسية للدرج)

***

  • ناخذ لوحة جديدة و نحدد المقاسات اللي نبغاها للمقسمات النصفية (عدد 5 أو 6 كافية، على حسب مقاس الدرج طبعاً) ..

مقسم درج

  • نقص اللوح بالمشرط ..
  • نقص القماش على مقاس اللوحة الكبيرة (اللي بتكون قاعدة للدرج) ..
  • عشان مقاسات الألواح الصغيرة، ناخذ كل قطعة ونحطها على طرف القماش ونلفها لفة وحدة، ونرسم خط عشان يحدد مكان قص القماش ..
  • نرش من البخاخ اللاصق (اذا ما عندك استخدمي أي غراء ينفع مع الأقمشة) ..
  • بالمسطرة نملس القماش عشان ما تتكون فقاعات الهواء ..

***

منظم الدرج

  • نقص قماش الفينيل على شكل مستطيلات عشان تكون أطراف للمقسمات ..
  • نرش البخاخ اللاصق ونلصق القطعة من المنتصف… النصف الثاني نـثـنـيه عشان يغطي الجزء المقابل لطرف اللوحة ..
  • إذا اللوحة طالع منها قماش زيادة نقصه بالمقص ..
  • نركب القاعدة واللوحتين الأمامية والخلفية والجوانب ..
  • نركب القطع النصفيه ..

***

تنظيم الأدراج

  • بالنسبة للفواصل النصفية، ناخذ لوحتين ونقصها بالنصف ..
  • باستخدام مسدس الغراء نلصق القطع الصغيرة من جوانب اللوحة العادية (بيصير عندك شكل مشابه H) ..
  • تركها الغراء يجف تماماً ثم نركبها بالدرج ..
  • تذكري أنك انتي المصممة وانتي اللي تحددين شكل درجك على حسب رغبتك ..

***

مقسم درج المكياج

*

*

أتمنى يكون عجبكم الموضوع ..

شكراً لمتابعتكم 🙂

بيلا نوفيلا bella novela

Advertisements

مكياج على طريقة Rihanna

مكياج ريهانا

مـــرحـــــبــــا

النجمة Rihanna معروفة بستايلاتها الجريئة والمجنونة، وحالياً هي من أبرز رموز الموضة العصرية، فخلال سنتين صممت مجموعة أزياء مع ماركة ريفر أيلاند، وتعاونت مع ماك لإطلاق مجموعتين من مستحضرات التجميل اللي تحمل توقيعها، بالنسبة لي يعجبني أسلوب مكياجها فقط (أما أزياءها فلا تستهويني) ..

إليكِ عزيزتي هذا اللوك الأخير الذي ظهرت به في حفل CFDA للأزياء ..

ريهانا ريانا

طبعاً الميك أب كان سموكي بلمسة فضية، رائع للسهرات وبما أننا في الصيف نقدر نقول للعرائس بعد 🙂

أهم شيء بهذا اللوك وكل لوك سموكي هو الدمج ثم الدمج ثم الـــدمــــج ..

Enjoooy

***

البداية بتكون بوجه نظيف ومترطب، رح نترك الفاونديشن لبعد مكياج العيون عشان نقدر ننظف الشادو المتساقط بسهولة، لكن إذا كنتي حابة تبدئين بكريم الأساس فهذا راجع لك، على العموم اضغطي هــــنـــا للتفاصيل ..

لمشاهدة الدليل الشامل لفرش المكياج تفضلي هـــــنـــــا ..

***

((اضغطي على الصور لتكبيرها))

مكياج ريهانا

  • أولاً نحط برايمر العيون عشان تثبت الألوان ويبان لونها ..
  • بفرشة دمج نحط شادو مشمشي فاتح على عظمة الجفن (نوزعها بالتساوي على كامل المنطقة) ..
  • بفرشة دمج أخرى نحط شادو بني فاتح على نفس المكان لكن بتحديد أكثر (اللونين مع بعض بيعطون تدرج حلو للسموكي) ..
  • بفرشة مسطحة نحط شادو رمادي لامع على كامل الجفن المتحرك ..
  • نرجع للشدو البني الفاتح وندمج حدود الرمادي تحت عظمة الجفن عشان ما يكون اللون حاد (حاولي كل خطوة تسوينها ترجعين للشدو البني وفرشة الدمج وتدمجين، عشان ما تضطرين تعدلين بعدين) ..

***

مكياج ريهانا

  • بفرشة دمج نحط شادو رمادي مطفي و ندمجه بحركة دائرية على الزاوية الخارجية للعين ..
  • بفرشة مدببة نحط شدو أسود مطفي على الزاوية الخارجية على شكل < عشان تعطي عمق لنظرة العين ..
  • حطي على الجفن مثبت مكياج وخذي شدو قليتر مضغوط باللون الفضي الغامق وحطيه سواء بإصبعك أو بالفرشة على الجفن المتحرك ..

***

مكياج ريهانا

  • ننظف تحت العين جيداً (إذا كنتي مؤجلة الفاونديشن حطيه اللحين)، بعدين نحط الكونسيلر ونثبت بالبودرة ..
  • نرسم الـحـواجـب ونرتبها ..
  • ناخذ شدو فاتح ونحطه كإضاءة تحت الحاجب ..
  • كلمسة نهائية على مكياج فوق العين ناخذ فرشة دمج نظيفة وندمج على خفيف (كسرة العين فقط وليس الجفن المتحرك) ..

***

مكياج ريهانا

  • بفرشة دمج صغيرة نخلط الشدو المشمشي مع البني الفاتح ونحطه أسفل العين ..
  • بفرشة مسطحة ناخذ من الشدو الرمادي المطفي ونحطه على منابت الرموش السفلية للعين ..
  • بفرشة مسطحة أخرى نحط الشدو الرمادي اللامع ونحطه على بداية الرموش (صورة 2) ..
  • بالفرشة  المسطحة الأولى نحط من الشدو الأسود على نهاية الرموش (صورة 3) ..
  • نرجع لفرشة الدمج الصغيرة وندمج على خفيف ..
  • بفرشة صغيرة ناخذ شدو أبيض ونحطه على مدمع العين ..
  • نرسم داخل العين بقلم الكحل الأسود، ونحط مسكرا على الرموش السفلية ..
  • خلصنا مكياج العين 🙂 ..
  • نكمل باقي المكياج من برونز وبلش وروج زهري فاتح ..

***

و هـــذا هــو الـلـــوك الــجــمــيــل :

مكياج ريهانا

*

*

أتمنى يكون الموضوع عجبكم , لا تنسون تعطوني رايكم 🙂

بيلا نوفيلا bella novela

Who Wore It Best

who wore it better

صوّتي للطلة الأحلى

تألقي بتسريحة ملكة الثلج

ديزني ملكة الثلج

مــــرحــــبــــا

من فينا ما انسحرت بجمال أميرات ديزني؟!

الكل ظن أن عهد أميرات ديزني الكلاسيكيات انتهى من سنوات إلا أن فاجئونا بفيلم ” ملكة الثلج ” أو Frozen …

كان هذا الفيلم من أجمل الأفلام اللي ظهرت بالعام الماضي ، عشان كذا أقدم لك عزيزتي هذي التسريحة المستوحاة من هذا الفيلم ..

((اضغطي على الصور لتكبيرها))

frozen hairstyle

***

frozen hairstyle

  • نمسك خصلتين في مقدمة الرأس ونبدأ نلفهم على بعض زي الضفيرة ( لكن بخصلتين فقط ) ..
  • كل ما ننزل على تحت ناخذ خصلتين ونكمل، وهكذا ..
  • إذا وصلنا منتصف الرأس نثبت الضفيرة بالبنس ..

***

frozen hairstyle

  • نقسم باقي الشعر نصفين متساويين ونلف أول قسم زي الكعكة ونثبته بالبنس ..
  • ناخذ القسم الثاني ونلفه على الكعكة الأولى ونثبت بالبنس ..
  • نرش مثبت الشعر على كامل الشعر ..

***

و هــذا هــو الــلــوك الـنــهـائــي

frozen hairstyle

تسريحة حلوة وناعمة ومناسبة لكل الأعمار والمناسبات ..

*

*

*

إذا عجبكم هذا اللوك وتبغون تجربون اللوك الثاني لملكة الثلج ( اضغطوا على الصورة التالية ) ..

frozen hairstyle

*

*

*

ألقاكم في المواضيع القادمة إن شاء الله 🙂

disney

كوني غامضة بهذا المكياج المميز ..

مكياج سموكي

مـــرحــــبــــا

مكياج اليوم هو عبارة عن إطلالة مسائية ساحرة وفيها شوية شقاوة 🙂

فإذا كنتي حابة تطلعي بلوك ناعم وبنفس الوقت جرئ استمري بقراءة هذا الموضوع ..

.

.

مستعدة ..؟!

مكياج سموكي

يــــــــلا نــبــدأ

*

لخطوات الفاونديشن اضغطي هــــنــــا

لخطوات الكونتور والهايلايت اضغطي هــــنــــا

لمشاهدة الدليل الشامل لفرش المكياج تفضلي هـــــنـــــا ..

*

((اضغطي على الصور لتكبيرها))

ننتقل مباشرة للعيون ونحط البرايمر أو كونسيلر عشان يثبت الشدو ويبين ألوانه ..

مكياج سموكي

  1. نستخدم شدو فاتح ونحطه تحت الحاجب ..
  2. بلون لحمي أو مائل للبرتقالي نحطه على بروز عظمة الحاجب بفرشة دمج (عشان يعطينا لون انتقالي ناعم) ..
  3. بفرشة دمج نحط لون بني محمر تحت عظمة الحاجب ..
  4. ناخذ شدو باذنجاني أو بنفسجي ونحطه على الزاوية الخارجية للجفن وندمجه مع الألوان الثانية (بيعطي عمق للعين) ..

***

مكياج سموكي

  1. ناخذ أي شدو كريمي باللون الفضي ونحطه على الجفن المتحرك فقط (بيكون أساس للشدو المضغوط اللي بنحطه بعدين) ..
  2. رشي الفرشة بأي مثبت مكياج (محلول العدسات ينفع برضو)، الحركة هذي بتثبت أي شدو قليتر وتعطيه لوك معدني حلو ..
  3. ناخذ شدو قليتر مضغوط (الصورة: Black Grape من ماك) ونحطه على الجفن المتحرك ..

***

مكياج سموكي

  1. اختاري قلم كحل بس يكون ضد الموية عشان يثبت وما يسيح مع الوقت، وارسمي داخل وأسفل العين ..
  2. بفرشة مشطوفة ناخذ شدو أسود فيه لمعه و نحطه على أسفل العين (بيثبت الكحل السابق) ..
  3. في حال تساقط الشدو تحت العين نظفيه وحطي الكونسيلر ولا تنسين تثبتيه بالبودرة ..
  4. نرجع للشدو البني المحمر وبفرشة دمج صغيرة ندمج على خــفــيييييييــف ونمده شوي لخارج الزاوية الخارجية للعين ..

***

مكياج سموكي

وطبعاً لإكمال هذا اللوك ضروري تركيب الرموش الصناعية 🙂

***

نكمل باقي المكياج من أحمر خدود وهايلايت (وكونتور)، ونختار روج بلون لحمي هادي ..

مكياج سموكي

و هـــذا الــلــوك الــنــهــائــي ..

*

*

حبيباتي أتمنى عجبكم الموضوع وتعطوني آرائكم إذا جربتوا هذا اللوك ..

🙂

بيلا نوفيلا bella novela